法國人的私房菜

人數 : 11
菜式：6 course - 法國菜
大廚 : L (男性, 正職從事廣告創作, 曾留學於法國, 鑽研得一手好廚藝)

自制香草醬配法飽, 沙律伴意大利腸鹹魚法飽, 巴馬火腿, 橄欖油伴蕃茄干

白酒雞湯煮蜆, 露荀伴燒蝦, 牛肝菌意大利飯, 香草薯仔炆牛肉, 煎鴨胸, 香草蕃茜白菌

甜品: 果仁粒雪糕伴心太軟, tiramisu, 紅酒煮蘋果

是日菜式款款精緻, 碟碟美味。

劉森記

每次去深水埗必食這保留著傳統竹昇麵製法嘅老字號。
灑滿蝦籽嘅水餃蝦籽撈

水餃炸醬麵撈, 水餃用料十足, 仲有任食嘅酸蘿蔔

薑蔥黑柏葉雲吞麵...... 都係水餃好食過雲吞

食飽飽~瞓個靚覺先

舊鋪: 深水埗桂林街48號
新鋪地方比舊店闊落企理: 深水埗福榮街80號

興記茶餐廳

數日前又再重遊快將清拆嘅牛頭角下村, 一為探訪村內嘅街坊(貓咪)們, 二為了食那招牌豬扒包。可惜一進入牛下, 情況熱鬧得猶如開放日, 遊人處處, 多了外來嘅攝影痴漢朋友, 郤少了很多街坊(貓咪)。
平凡又典型嘅屋村餐廳, 內裏總有幾款驚為天人嘅招牌食物。
厚厚嘅豬扒因經錘子錘鬆, 所以煎香後啖啖肉得來又夠腍。

我食你食個個都想食

廣成冰室

山長水遠去完大埔行山, 當然要順道入埋上水食番杯紅豆冰, 咁先至叫做完美行程。
門口永遠排晒長龍, 記著攞飛等位

如果一心只想食紅豆冰, 就唔好咁早去啦!

左: 如冰山一樣嘅紅豆冰, 紅豆份量極多, 起沙而又不過甜, 右上: 勁多薑絲嘅牛肉一丁, 右下: 滑溜溜又厚身嘅蛋治

傳統嘅外形、懷舊嘅裝修、兒時嘅回憶、昔日嘅味道, 但願能一直一直的......保留著、感受著、品嚐著。

北京酒樓

每次等巴士嘅時候, 總見到隔離這座陳舊大廈不斷有大群大群、有老有嫩的進進出出。心諗雖然二樓係賓館, 但無理由咁多人一齊上去開房啩?? 但又見個個笑咪咪地落住樓, 究竟上邊有咩好攪呢?? 再望望招牌, 一樓有間陳年酒樓, 深深被那殘殘破破、古色古香嘅招牌吸引。
某日, 終於按捺不住好奇地與家人一起上去試試菜。店鋪很隱閉, 先要經過一條長長的樓梯才到達。門面雖老, 但店內卻是別有洞天, 還保留著中國傳統特色。顧客大多係遊客同老外, 店子小小卻常常爆滿, 訂咗位都要等數十分鐘才能入座, 如果唔想久等, 就最好九時後入座。坐定定後, 服務員員會不斷催促你點菜, 餸菜又會在落單數分鐘後極速上枱, 雖然整個過程都趕趕趕, 不過服務員還是很有禮貌的。
古色古香嘅招牌同裝修

右上: 北京填鴨, 粉皮有啲厚身, 右下: 有驚喜嘅鍋鎉蝦子豆腐

左上: 有濃濃蒜香嘅手絲雞, 右上: 酸酸甜甜嘅宮爆明蝦, 左下: 比其他店好味嘅賽螃蟹, 右下: 厚皮嘅小龍包, 麻麻地。還有未上鏡嘅砂窩雲吞雞, 糖醋里瘠, 高力豆沙

Le Goûter Bernardaud

識飲識食的K小姐好介紹 - Lemon tart, 撻皮鬆脆, 檸味啱啱好, 唔太酸唔太甜, 連裝飾嘅白朱古力片都好好味!! 唯一缺點係太細唔多夠攝牙罅
多謝K小姐請客兼老遠拎入嚟!!!

加埋Tiffany blue嘅靚靚包裝

興記

去完母校, 再為友人L先生慶祝生日, 於是夜晚殺入三聖村食海鮮。
揀去興記, 原因係佢出名燒鵝, 朋友仔話好食過深井, 咁去到唔試真係對唔住自己啦!

先來例牌燒鵝一碟, 皮脆肉汗多

辣酒煮花螺, 一向唔好辣, 無意見, 不過友人話唔夠辣兼無酒味

油鹽水煮花甲, 海鮮鋪送嘅, 好鮮味

豉椒炒小聖子, 惹味肉脆

蒜蓉粉絲蒸大聖子, 幾鮮甜, 但肉質反而無小聖子咁爽口

豉油皇炒中蝦, 我至愛嘅

薑䓤炒蟹, 肥美多肉, 仲有後面個碟砵酒焗蠔, 惹味香甜