Japanese Cheesecake

明明係日式, 入口軟綿綿, 點解會手多多兼多舊魚咁加咗啲藍莓醬, 鮮藍莓係面頭呢??
無他, 一為裝飾, 二為遮醜 (唔知點解次次焗親個面都裂開??)。咁又搖身一變成為西洋嘅 Blueberry Cheesecake 喇, 又可以收多你幾蚊啦!!!
次次都顧住食, 唔記得同佢影相㖭, 今次即刻嗱嗱淋補番張玉照先!!!

糕糕興興賀新春

左: 菠蘿cup cake, 右: 加咗果醬係面嘅蜜桃cup cake

白老鼠

估唔到身邊原來有好多唔識死, 又有冒險精神嘅朋友, 肯做我作品下嘅白老鼠。哈哈, 辛苦晒大家啦, 努力呀, 因為仲有排要試試試呀~
白老鼠Echo小姐好有勇氣要求試食cup cake, 於是做咗提子同紅茶味。希望入得口啦!!

出錯

前兩日又同朋友仔試新嘢, 整雪芳蛋糕 (Chiffon Cake) 同芝士波波, 不過......
Chiffon Cake面頭似炸多過焗, 芝士波變左芝士餅, 真喺好好笑。究竟錯咗喺邊呢???

XL版籃罐曲奇

上次用左"細唧咀"唧曲奇餅, 焗出來個樣勁樣衰, 所以無影到!!!
今次改用"大唧咀"整, 但焗完出來發大左2倍喎?? 下次係咪要唧番細啲啲嘞??
是次完成品真係唔食得都睇得吓嘛!!!


今次應豪哥要求整俾佢嘅

咩杯

新嘅一年, 頭炮嚟個2 play先!!!
S太果然經驗豐富, 在她引導之下, 初哥嘅我也不消一粒鐘就攪點2味啦!!! 今次仲要係人哋屋企攪, 攪完拍吓籮柚就走得, 真係爽呀~
2 play主角 - 原味 & 橙味+提子干cup cake, 焗起即刻食, 真係好好味

再出 蕉

再發攻~ 今次對手由低筋粉改為麵粉, 黃糖改為白糖, 加多隻蕉同梳打粉, 再預早預熱個壇。
升級版無論面色、身形、鬆軟度都比上次好

鬆在骨子𥚃嘅蕉蕉糕

happy birthday

12號係半魚人嘅生日, 買咩birthday cake好呢?? 其實佢都唔係好食甜。網上見人做banana cake, 己經好想試做。於是美其名為慶祝, 但其實搵佢做白老鼠...... hahhaaa

第一次試做, 用左黃糖焗, 所以比較深色, 焗出來個樣好似ok喎。半魚人俾80分(突然間對食要求咁低??) , 佢略厭唔夠蕉味, 一邊食一邊話都入得口呀。 

唔知佢食完會唔會肚疴呢??

賽後檢討: 下次要試吓加多隻蕉, 睇吓會唔會好d la???