初學羊毛氈

細細個最怕上家政堂, 見到針線毛冷, 車車紉紉, 織織編編, 剪剪貼貼, 拉拉扯扯....... 就會頭都大埋, 自問無咩這方面嘅天份。不過今次好唔同, 工具只需一支針, 連用線都慳番。只需不停地拮拮拮拮拮拮拮...... 作品就會完成, 你話神唔神奇呢??

上第一堂, 連基本功都未識嘅我哋就妙想天開想學整啲貓貓狗狗, 當然被老師拒絕啦, 要我哋從基本學起, 學吓整cake或chocolate, 可惜我哋對食就有興趣, 整就反晒眼...... 最後整咗.......
第一堂嘅作品, 都叫見得吓人喇!!