奮起湖

搭到一半, 落車唔坐喇, 因為我哋嘅目的地係 — 奮起湖, 阿里山留待明天再上吧。

坐咗2個多小時車, 真係坐到腰都攣, 還是下車到四處逛逛

已退休嘅火車頭, 停放於"林務局車庫", 任人拍照。奮起湖出名鐵路便當, 可惜我同友人都好怕凍冰冰嘅飯盒。又短又無嘢睇嘅奮起湖老街

民宿管家介紹嘅"銘蘭小館", 午餐吃了紅燒山水豆腐 (豆腐超滑), 銘蘭少炒 (幾惹味), 燒酒煮雞 (雞淡而無味, 燒酒像工業用似的攻鼻 )

再到管家介紹伯伯經營嘅"愛玉伯茶座"
伯伯自家制嘅金桔檸檬野生愛玉冰, 口感QQ正呀~

今晚住嘅民宿 "緩慢2館"。大堂書架上嘅CD小說任借任睇


充滿玫瑰花香味嘅房間

民宿會提供三款花香味, 任君選擇。當你選好係, 沐浴用品、body lotion、洗手液、房間等等就會充滿自選花香味

黃昏時分碰上雨毛毛加大大霧, 令前路看不清 (在說我的人生嗎??), 簡直一步一驚心。因為看不見更令人心癢癢, 於是四處亂逛, 突然出現了沒人及書介紹又充滿日治時代感覺嘅 "下腳店仔街" (又名電影街)

行吓影吓, 又到六時喇, 要回1館那邊吃晚飯。先飲杯梅醋醒醒胃, 再來嗰三式小前菜

是日主菜有高湯豆腐、唔知咩梅蒸咩魚、魯肉配時菜、清雞湯、山豚肉唔知咩荀飯, 桂花茶

飲飽食醉後又要趕住去睇螢火蟲喇。

阿里山森林小火車

世界聞名的三條登山鐵路之一 (當中包括: 印度大吉嶺喜馬拉雅鐵路, 智利安起斯山鐵路), 鐵路於二十世紀初建造, 鐵路與森林、雲海、日出、晚霞並稱為阿里山五奇。

火車由海拔30m嘅嘉義站慢慢爬升至2216m嘅阿里山, 當中先以推進方式運轉上山、再以螺旋型環繞獨立山三週約5公里, 升高200m、最後以俗稱「阿里山碰壁」之「Z」字形運轉方式上山。想知多啲或訂票, 請瀏覽: http://www.ht-alishan.com.tw/

一早係網上訂定車票, 因為之前被人吹到一票難求。點知取票時發現 ...... 還有得多是日車票發售, 吹脹~
由嘉義站到阿里山, 車程約3.5小時 (photo by karen)

冷氣車廂, 窗戶密封, 欠缺了點風味

因樟腦寮站路軌一段受阻, 需下車步行10 - 20分鐘, 再轉搭另一列車 (photo by karen)

以為行平路, 原來要上山又下山, 沿途不少乘客攞住皮喼上上落落 (photo by karen)

等咗好耐先至齊人, 又再出發喇

台中半天遊之夜遊篇

國際藝術街 — 由平房組成嘅商店街, 街道有點像日本下北沢, 可惜商店貨品不算特別, 有點九流流。 點心魔法師-店員超級熱情, 不停提供試食 (仲要係大大塊, 食到你飽住走個隻), 口味多兼配搭特別。

逢甲夜市 — 小吃攤, 食肆, 潮流服飾店林立。當你置身於此, 就會覺得其實香港旺角區也稱不上太旺, 太多人。(photo by karen)

上圖: 大腸包小腸, 排滿人龍 (我都有排呀~撞鬼) , 講到好好食, 其實都係好普通。只是一鋪之隔, 這間買珍珠奶茶就..... 不過反而幾好味喎。
𠵱~ 亞姐見無咩人排, 係到玩插眼嗎?? (photo by karen)

係夜市買完大包細包嘅外賣後, 又要搭一個多小時車程嘅台鐵去嘉義巿喇。

明早向奮起湖出發。

5.10的紫色婚宴

在此祝賀一對新人
永結同心, 三年抱兩, 白頭到老。

台中半天遊

下午一點到達台中機場, 因為時間無多, 一出閘換完錢就飛的直去台鐵站。搵完儲物櫥放好行李後, 又要急急腳往各大景點喇。
是日行程: 台鐵站後面嘅20號倉庫 > 台灣美術館 > 國際藝術街 > 逢甲夜市 > 搭夜車(台鐵) 到嘉義留宿。

由倉庫改建而成, 供藝術團體作工作室及展場嘅20號倉庫。閑日鬼影都唔多隻, 再加上超級無嘢睇, 不消半粒鐘就行晒喇。

稍大嘅台灣美術館, 足夠消磨半天。

終於有啲嘢睇吓兼影吓, 正呀~

藝術家侯俊明版畫展

作品精采非常兼無料入場, 唔睇嗰個正笨賊

左: 令人聯想起可愛嘅朱留錦 , 右: 令人聯想起漂流教室嘅館外雕塑

待續......

熱烈歡迎同志, 成功登頂, 凱旋而歸

每年都有唔少港人勇闖玉珠峰, 但能成功登頂的卻渺渺可數, 大約每年只得1-2 個港人能成功, 所以港人總給國內同胞有少爺兵的感覺。
難道我們港人真的咁...... 唔掂咩??
恭喜半魚人能成功登頂, 今趟果然無白白浪費金錢與時間~

令人樂昏頭的波堤獅

為女死, 為女亡, 為了波堤獅, 連續數天吃了不少甜甜圈, 才能抱得美人歸。
這就是瘋麾萬千少女, 紅透中、日嘅新成員 — 波堤獅。
朋友仔換了波堤獅, 而我, 當然要換還未擁有嘅波堤獅旋轉咖啡杯啦~

大會每天指定嘅早餐

換領方法: 只要消費滿NT$70, 就可得到刮刮卡一張, 每張刮刮卡內含1或2點, 集滿10點便可換領波堤獅一隻 (共2款)。詳情請瀏覽 https://www.misterdonut.com.tw/event/090415SP/index.asp