整容前後

醜女需要大翻身, 我隻羊毛氈狗仔經過老師改造後, 即刻似模似樣!!!
整容前(右): 扮史納沙嘅雜種狗一隻, 整容後(右): 即刻變左真真正正嘅名種史納沙

CROSSOVER頸鍊??

是日無聊手多多, 學人攪吓DIY。
左: H&M銀色頸鍊 x 花園街蕾絲, 右: 旺角中心兔仔吊嘴 x 舊涼鞋皮繩

三不像

終於明白老師喺第一堂唔肯教我哋整貓貓狗狗的原因, 因為真係幾難整得似, 啲比例總係怪怪的。
原本喺想整poodle, 但......唔知點解??? 整整吓變咗似史納沙嘅???

初學羊毛氈

細細個最怕上家政堂, 見到針線毛冷, 車車紉紉, 織織編編, 剪剪貼貼, 拉拉扯扯....... 就會頭都大埋, 自問無咩這方面嘅天份。不過今次好唔同, 工具只需一支針, 連用線都慳番。只需不停地拮拮拮拮拮拮拮...... 作品就會完成, 你話神唔神奇呢??

上第一堂, 連基本功都未識嘅我哋就妙想天開想學整啲貓貓狗狗, 當然被老師拒絕啦, 要我哋從基本學起, 學吓整cake或chocolate, 可惜我哋對食就有興趣, 整就反晒眼...... 最後整咗.......
第一堂嘅作品, 都叫見得吓人喇!!

閑逛尋寶城

平時過門而不入嘅夜冷店, 今日神推鬼撞咁走咗入去, 彷彿內裏有什麼在叫喚著我似的。一進入店內, 便見到一班精靈活潑嘅小兔子在等著我來收養, 只可借小女子不論銀彈同地方都非常有限, 唯有收養住三隻先, 盼他朝有緣 (發咗達) 再聚。


本是平平無奇嘅蠟燭台, 一經燭光點綴, 即時兔影活現

興記茶餐廳

數日前又再重遊快將清拆嘅牛頭角下村, 一為探訪村內嘅街坊(貓咪)們, 二為了食那招牌豬扒包。可惜一進入牛下, 情況熱鬧得猶如開放日, 遊人處處, 多了外來嘅攝影痴漢朋友, 郤少了很多街坊(貓咪)。
平凡又典型嘅屋村餐廳, 內裏總有幾款驚為天人嘅招牌食物。
厚厚嘅豬扒因經錘子錘鬆, 所以煎香後啖啖肉得來又夠腍。

我食你食個個都想食

喂~ 得閑入嚟 吹吹水

各位維園阿伯, 而家只要喺留言版面Comment 內, 選擇
1. “Name/URL" (可打名字, 但不需打URL) 或選
2. “Anonymous匿名“
便可留言, 歡迎賜教! (不用選Blogger/ OpenID) 多謝!!!