馬屎洲

當日天灰灰, 山上遊人稀少, 反而令人樂得清靜。

路程很短, 不消一粒鐘就能行到去山腳, 路線零難度, 適合一家大細。


同樣孤單嘅背影

設置在村內嘅博物館

村民嘅搵食架生

特徵

討厭...... 天生是女孩
討厭...... 自然鬈曲的頭髮
討厭...... 永不貼服的耳朵
討厭...... 排列不整的牙齒

討厭什麼特徵都沒有......
沒有了這些...... 這個還會是我嗎??

還是...... 喜歡怪怪的這個我!!

廣成冰室

山長水遠去完大埔行山, 當然要順道入埋上水食番杯紅豆冰, 咁先至叫做完美行程。
門口永遠排晒長龍, 記著攞飛等位

如果一心只想食紅豆冰, 就唔好咁早去啦!

左: 如冰山一樣嘅紅豆冰, 紅豆份量極多, 起沙而又不過甜, 右上: 勁多薑絲嘅牛肉一丁, 右下: 滑溜溜又厚身嘅蛋治

傳統嘅外形、懷舊嘅裝修、兒時嘅回憶、昔日嘅味道, 但願能一直一直的......保留著、感受著、品嚐著。

想飛

幼年乳翼未豐恨難飛,
少年浮浮沉沉未能飛,
中年營營役役忘卻飛,
老年氣虛力弱不能飛。

北京酒樓

每次等巴士嘅時候, 總見到隔離這座陳舊大廈不斷有大群大群、有老有嫩的進進出出。心諗雖然二樓係賓館, 但無理由咁多人一齊上去開房啩?? 但又見個個笑咪咪地落住樓, 究竟上邊有咩好攪呢?? 再望望招牌, 一樓有間陳年酒樓, 深深被那殘殘破破、古色古香嘅招牌吸引。
某日, 終於按捺不住好奇地與家人一起上去試試菜。店鋪很隱閉, 先要經過一條長長的樓梯才到達。門面雖老, 但店內卻是別有洞天, 還保留著中國傳統特色。顧客大多係遊客同老外, 店子小小卻常常爆滿, 訂咗位都要等數十分鐘才能入座, 如果唔想久等, 就最好九時後入座。坐定定後, 服務員員會不斷催促你點菜, 餸菜又會在落單數分鐘後極速上枱, 雖然整個過程都趕趕趕, 不過服務員還是很有禮貌的。
古色古香嘅招牌同裝修

右上: 北京填鴨, 粉皮有啲厚身, 右下: 有驚喜嘅鍋鎉蝦子豆腐

左上: 有濃濃蒜香嘅手絲雞, 右上: 酸酸甜甜嘅宮爆明蝦, 左下: 比其他店好味嘅賽螃蟹, 右下: 厚皮嘅小龍包, 麻麻地。還有未上鏡嘅砂窩雲吞雞, 糖醋里瘠, 高力豆沙

Japanese Cheesecake

明明係日式, 入口軟綿綿, 點解會手多多兼多舊魚咁加咗啲藍莓醬, 鮮藍莓係面頭呢??
無他, 一為裝飾, 二為遮醜 (唔知點解次次焗親個面都裂開??)。咁又搖身一變成為西洋嘅 Blueberry Cheesecake 喇, 又可以收多你幾蚊啦!!!
次次都顧住食, 唔記得同佢影相㖭, 今次即刻嗱嗱淋補番張玉照先!!!

萬里長城長又長

我倆友誼比它長...... 小學寫記念冊時好鍾意寫這兩句俾人, 鍾意佢夠簡單易明易寫夠長。似當年小學啲校園生活簡單純樸, 就連友誼也是純純的。時光飛逝..... 話咁快我就由當年嘅小女孩變為中女一名。
數日前係小學同學聚會, 大家見面時嘅驚且喜, 驚者係點解我無高過, 喜者係個個都高過晒我啦。有啲已為人母, 人父, 老闆, 高層, 闊太, 大亨......可憐的我還是一個九流流嘅自由人。
之後大家吃著笑著鬧著地說著兒時玩意同回憶: 天下太平, 東南西北, 亳仙, 筆仙, 打怪獸, 維他奶, 369 ....... 說著說著地度過一個快樂嘅晚上。
但願年年有今日......